- Curriculum

WISKUNDEWEEK BY LAERSKOOL EVERSDAL

Gedurende die week van 14 – 18 Oktober het ons Wiskundeweek gevier. Hoe heerlik was dit nie om tussen die bome, plante, geboue, diere en mense wiskunde te ontdek nie. Die Graad 1 tot 7 leerders het die week ‘n wiskundeskattejag voltooi. Leerders het op die skoolgronde gaan soek na die antwoorde.

Graad 2 kon vir ons verduidelik hoe Wiskunde in kuns voorkom deur patrone en vorms.  Graad 3 het die bome getel en ook uitgevind hoeveel trappe in die skool is. Graad 4 het die personeel se nommerplate gaan analiseer en gehoor hoe die patrone werk. Graad 5 het Fibonacci se patroon bestudeer en besluit dat Wiskunde baie naby aan ‘n wonderwerk moet wees.

In Graad 6 kon die leerders hul formules gebruik om die opvangs van ons watertenks te bereken en ook vir Mnr. Wessels help tel aan hoeveel nuwe lugversorgers geïnstalleer is.

 

Met die bouprojek wat amper afgehandel is kon die Graad 7-groep help om die oppervlakte van die aanbouings te kontroleer en ook die koste van so ‘n projek bepaal. Die week is daar heel moontlik ‘n paar ingenieurs en bourekenaars gebore.

Ons kan spog met sewe leerders wat gevorder het tot die 2de rondte in die Metro-Noord Wiskundekompetisie waarvan vier gevorder het tot in die 3de rondte.  36 Evers het deurgedring tot die tweede rondte van die  Suid-Afrikaanse Wiskunde-uitdaging. Twee van hierdie leerders het aan die 3de rondte deelgeneem.

 

Daarom kan ons sê: “Die antwoord is Wiskunde”